Vörgüstern weeren ´n Masse Lüüd vun Gelting bit Klixbüll in unse Dörpskrog: De Heimatvereene vun de Landschop Angeln un de Schleswigsche Geest harrn de Liddmaaten an de letzde Dag vun de Plattdüütsche Wuch inlaadt to een Fröhschoppen op Platt un mit „platte Ünnerholung“.

Dorto keemen Annett Ingwersen, Thomas Andersen un Hauke Carstensen vun de „Jemmerkant“ nah unse Krog „Zum goldenen Stern“. De dree Musikers nenn´ sick „Huulbessen“ (dat heet op Hochdüütsch „Staubsauger“).

Se speelden bekannte un eegene Melodien – ümmer mit sülvst maakde Texte op Platt, de sick op unse Region betrecken deen. Dat hett de Lüüd bannig veel Spoß bröcht.

Biefall geev dat ok för Kröger Jan: Sien Eeten hebben sick alle munnen laaten.

Nu weer dat jo an´t Enn vun de Plattdüütsche Wuch: So kreeg man een Pin schenkt, de as lütte „p“ an´t Tüch höört. Dat wiest anner Lüüd: Dat is een, de Platt schnacken or tomindst verstahn kann. Op unse letzte Foto is dat to sehn. Mit anner Wöör: Ran mit de Pin – rut mit de Spraak!